ඇෆ්ගනිස්ථානයට ලකුණු 188 ක ඉලක්කයක්

සංචාරක ඇෆ්ගනිස්ථාන කණ්ඩායම හා ශ්‍රී ලංකා කණ්ඩායම අතර දෙවන T20 තරගය මේ වන විට පැවැත්වෙනවා.

තරගයේ කාසියේ වාසිය දිනාගත් ඇෆ්ගනිස්ථාන කණ්ඩායම පළමුවෙන් පන්දුවට පහරදීමට ශ්‍රී ලංකා කණ්ඩායමට ආරාධනා කළ අතර ඒ අනුව පළමුවෙන් පන්දුවට පහරදුන් ශ්‍රී ලංකා කණ්ඩායම සිය පන්දුවාර 20 තුළ කඩුලු 6 ක් පමණක් දැවී ලකුණු 187 ක් ලබා ගත්තා.

පන්දුවට පහරදීමේදී ඇන්ජලෝ මැතිව්ස් ලකුණු 42 ක් හා  සධීර සමරවික්‍රම ලකුණු 51 ක් ලබා සිය මංගල අර්ධ ශතකය ලබා ගැනීමට සමත් වුණා.

පන්දු යැවීමේදී ඇෆ්ගනිස්ථාන කණ්ඩායම වෙනුවෙන් Mohammad Nabi හා Azmatullah Omarzai කඩුලු 2 බැගින් හා Fazalhaq Farooqi හා Naveen-ul-Haq Murid එක් කඩුල්ලක් බැගින් බිඳ හෙළීමට සමත් වුණා. ඒ අනුව ජයග්‍රහණය සඳහා ඇෆ්ගනිස්ථානයට ලකුණු 188 ක ඉලක්කයක් හිමිව තිබෙනවා.